Takk Hafnarfjörður

Námskeiðið gekk mjög vel og tónleikarnir voru æðislegir. Krakkarnir höndluðu erfiðara efni föstudaxins vel þó þeir hafi verið aðeins feimnari en á fimmtudaginn, púslið gekk nokkuð vel og þeir negldu tónleikana algjörlega. Takk fyrir mig Tónó í Hafnarfirði og þær sem mæltu með mér í verkefnið.

Nú stendur yfir Vinavika í skólanum mínum. Mán, þri, fim og fös fara í vinaþemu en morgundagurinn - Öskudagur - verður bara góð og gild Öskudaxskemmtun. Það er, fram að hádegi. Krakkarnir halda áfram að skemmta sér með foreldrunum eftir hádegi en við, vesalings kennararnir, förum á ráðstefnu. Ráðstefnur geta verið skemmtilegar - held ég - en einhvern veginn þarf ég alltaf að fara á ráðstefnur sem koma mér ekki alveg nógu mikið við til að vekja áhuga minn. Svo þarf ég að velja málstofu, en meginþema þeirra allra er læsi(!), að vísu ekki bara á bók heldur líka umhverfi, menningu, upplýsingar og fleira. Nú geri ég mér grein fyrir mikilvægi einstaklingsmiðaðs náms í nútíma kennsluháttum. Mig langar bara ekki að sitja og hlusta á fyrirlestra sem fjalla um málið út frá læsi, stærðfræði osfrv, sérstaklega ekki þegar ég er skyldaður til þess! Ég - þrjóskur? Neeeiii...