Að horfa á Júró

Geir ólafs alltaf eins. Veit ekki með lagið...

Fanney gæti hafa verið í skóla með mér, systir hennar fiðluleikarinn var alla vega í Tónó þegar ég byrjaði. Gaman að sjá Vigdísi frænku Garðarsdóttur á sviðinu, en persónulega finnst mér þetta lag nú betra...

Eyvi breytist lítið, nema meikið eyxt(!). Yfirleitt finnst mér Bergsveinn svolítið skemmtilegur söngvari, en þarna var hann skrýtinn...

- Í auglýsingahléi má geta þess að Baggalútsmenn rokkuðu í spurningakeppninni, ef hægt er að tala um rokk í þessu samhengi -

Guðrún Árdný hefur aldrei höfðað til mín sem söngkona. Lögin 2 eftir þennan Trausta eru bæði dálítið klassísk og fara lengst upp í ra... - já eða alla vega mjög hátt upp. Hitt (sem Regína söng í síðustu viku) fannst mér skemmtilegra, en þetta fylgir vissulega ákveðinni Júró-formúlu. Svolítið þvingað þarna uppi...

Bravó og Magni gætu virkað í útlöndum þótt lagið sé ekki beint móðins. Benni góður á trommunum. Vantaði svona katsjí kórus...

Ardís skoppandi skemmtileg í Grís-átfitti, og svona hallærislegir dansarar bakvið. Var hún að syngja eitthvað? Neinei, ég heyrði lagið alveg, fannst það bara leiðinlegt...

- Merkilegt hvað Óli Palli, Magga Stína og Dr. Gunni stóðu sig illa í fyrrnefndri spurningakeppni, hefði ekki trúað þessu upp á þau -

Þekki ekki Sigurjón Brink en man eftir 8villtum. Svona Salsa-lög þurfa að vera mjög sterk til að skera sig frá öllum hinum dægur-Salsa-lögunum. Þetta náði því ekki. Dansararnir voru hins vegar flottir.

100% hamingja? Neibb. 5% of djúpt, 15% "tínir af mér spjarirnar ég dansa fyrir þig," 25% furðulegur dans, 55% flottar bakraddir.


8 lög af 24 búin og ég hef ekki enn heyrt lagið sem ég held með - ja, nema ef þetta telst með..?