Nýtt efni og endurtekið

Vortónleikar gengu vel, reyndar mjög vel. Allt hjakkið í vetur, raddþjálfun Bjarneyjar Ingibjargar, endalaust bögg og pikk í upphitunaræfingum - allt skilaði þetta sér í vikunni fyrir tónleika. Kórinn sem mætti á æfingu upp úr 8 á mánudaxkvöldið var ekki sami kór og söng vortónleika 5 dögum síðar. Gaman - en stressandi!

Var að fá þær fréttir að ég á að taka þátt í Listahátíð með 2 árgöngum úr skólanum, fara út í Viðey á mánudaginn með Rassa Prump og hjálpa til við að búa til hljóðskúlptúra fyrir gjörninginn hans í Daxbrún. Spennandi.

Sagði vantrúuðum unglingum að rokk væri alltaf uppreisn gegn eldri kynslóðum og að Manson væri í raun ekki að gera neitt nýtt, bara að ganga aðeins lengra en forverar hans í sjokk-rokkinu... Einnig að þau ættu öll eftir að hneyxlast á og reyna að ritskoða tónlist afkvæma sinna... Þau keyptu það ekki...
Verður gaman að heyra fyrirlestra sama hóps á næstu vikum: Allir eiga að velja sér eitt dægurlag, amk 10 ára gamalt, og kynna það fyrir okkur hinum. Veit að við eigum von á Presley, Bítlunum, Pink Floyd og Led Zeppelin, en líka Ninu Hagen, Pantera og Cradle of Filth! Hlakka til...